Khmer Youth Association

ខេង ចាន់រ៉ាឌី ផ្លាស់ប្តូរពីសិស្សបាតតារាងមកជាសិស្សឆ្នើម

ខេង ចាន់រ៉ាឌី ភេទប្រុសអាយុ១៨ឆ្នាំ សព្វថ្ងៃជាសិស្សថ្នាក់ទី១២ នៃវិទ្យាល័យនរោត្ដមរណឬទ្ធិគន្ធបុប្ផា ដែលស្ថិតនៅក្នុងភូមិ ឃ្លោយទី១ ឃុំមៀន ស្រុកព្រៃឈរ ខេត្តកំពង់ចាម។ដោយជីវភាពគ្រួសារខ្វះខាតផងនោះរ៉ាឌីកន្លងមកជាសិស្សមួយរូបដែលមិនសូវពូកែ និងខ្វះទំនាក់ទំងមិនសូវហ៊ាននិយាយជាមួយមនុស្សជុំវិញខ្លួន រួមទាំងមិនមានអ្នកលើកទឹកចិត្តក្នុងការសិក្សាដោយជីវភាពគ្រួសារផងនោះ។

ដោយសារមួយរយៈកន្លងមកនេះបន្ទាប់ពីទទូលបានអារហារូបករណ៍ពីសមាគមយុវជនខ្មៃរ ដែលទទួលបានប្រភពជំនួយមកពីអង្គការមូលនិធិអាស៊ី ដែលបានធ្វើសកម្មភាពដូចជា បង្កើតការរៀនក្លឹប ប្រជុំប្រចាំខែ(ដោយមានការចែករំឡែកបទពិសោធន៍ពីសិស្សច្បងមកពីសកលវិទ្យាល័យវេសស្ទើន ខេត្តកំពង់ចាម ការផ្ដល់ជាសំភារៈសិក្សា មធ្យោបានធ្វើដំណើរ និងសកម្មភាពថ្មីៗជាច្រើនទៀតនោះ បានធ្វើឲ្យរ៉ាឌីមានការផ្លាស់ប្ដូរជាច្រើនដូចជា ក្នុងពេលថ្មីៗនេះគាត់បានជាប់សិស្សឆ្នើមប្រចាំសាលារបស់គាត់ចំណាត់ថ្នាក់លេខពីរ និងអាចជួយបង្រៀនទៅកាន់មិត្តរបស់គាត់ទៀតផងនៅពេលទំនេរពីការសិក្សារ។ អ្វីដែលពិសេសជាងនេះទៅទៀតគឺរ៉ា ឌីបានផ្លាស់ប្ដូរគោលដៅជីវិតដោយកន្លងមកគាត់ប្រាថ្នាចង់ធ្វើជាប៉ូលិស៍មូលហេតុដោយសារគាត់រៀនខ្សោយ តែកំឡុងពេលនះគាត់បានចាប់អារម្មណ៍ទៅលើជំនាញគ្រូបង្រៀន និងវិស័យNgoទៅវិញ ហើយសព្វថ្ងៃគាត់មានទឹកចិត្តក្នុងការសិក្សាដោយទទួលបានការលើទឹកចិត្តពីមនុស្សជុំវិញខ្លូន ពីសមាគមយុវជនខ្មែរ ពិសេសលោកគ្រូអ្នកគ្រូ និងឪពុកម្ដាយរបស់គាត់ផ្ទាលតែម្ដង។

លោកស្រី ជី សាវ៉ាន់ ត្រូវជាម្ដាយរបស់សិស្ស ខេង ចាន់រ៉ាឌី លោកស្រីពិតជាមានចិត្តសប្បាយរីករាយឃើញនូវការខិតខំរៀនសូត្ររបស់កូន មិនត្រឹមតែប៉ុណ្ណេះលោកស្រីមានបំណងចង់ឲ្យកូនបន្តរសិក្សាដល់ថ្នាក់មហាវិទ្យាល័យទៀតផងបើទោះជាជីវភាពខ្វះខាតបន្តិចក៏ដោយ។

CONTACT INFO

FIND US

ACCESSING WEB MAIL